കേരളത്തില്‍ നിന്നുള്ള എം.പിമാരായ മുല്ലപ്പള്ളി രാമചന്ദ്രന്‍, കെ.വി.തോമസ്‌, ഇ. അഹമ്മദ്‌, ശശി തരൂര്‍ എന്നിവരെ കേന്ദ്രമന്ത്രിമാരായി സത്യപ്രതിജ്ഞ ചെയ്യാന്‍ പ്രധാനമന്ത്രി ക്ഷണിച്ചതോടെ കേന്ദ്രമന്ത്രി സഭയില്‍ കേരളത്തിന് കൈ നിറയെ മന്ത്രിമാര്‍. ശശി തരൂരും കെ.വി. തോമസ്സും ഇത് ആദ്യമായാണ് കേന്ദ്രമന്ത്രിമാരാകുന്നത്. വകുപ്പുകള്‍ക്ക് നാളെ തീരുമാനമുണ്ടാകും. ഇതാദ്യമായാണ് കേരളത്തിന് ഇത്രയധികം മന്ത്രിമാരെ ലഭിക്കുന്നത്. എ.കെ. ആന്റണിയും വയലാര്‍ രവിയും നേരത്തേ സത്യപ്രതിജ്ഞ ചെയ്ത് മന്ത്രിമാരായിക്കഴിഞ്ഞു.

കേരളത്തില്‍ ലോകസഭാ ഇലക്ഷനില്‍ പതിനാറു സീറ്റുകളിലും പരാജയപ്പെടാനുള്ള കാരണങ്ങള്‍ തേടിയായിരിക്കും സി.പി.എം നേതൃത്വം കുറച്ചു കാലത്തേക്കെങ്കിലും നടക്കുക. വി.എസ് അച്യുതാന്ദനും പിണറായി വിജയനും തമ്മിലുള്ള ശീതസമരവും പാര്‍ട്ടിക്കുള്ളിലെ ആഭ്യന്തര പ്രശ്നങ്ങളും എല്ലാം ഇനി ചര്‍ച്ചാ വിഷയങ്ങളാണ്. വര്‍ഗ്ഗീയ കക്ഷി പരിവേഷമുള്ള പി.ഡി.പി യുമായി കൂട്ടുകൂടാനുള്ള തീരുമാനവും ചര്‍ച്ചക്ക് വിധേയമായേക്കാം. പാര്‍ട്ടിക്കുള്ളിലെ ആഭ്യന്തര പ്രശ്നങ്ങള്‍ വളരാന്‍ തോല്‍വി ഒരു കാരണമായേക്കാം എന്നും ശ്രുതിയുണ്ട്. ചെറുപ്പക്കാര്‍ ചിലര്‍ വിജയം നേടിയത് സി.പി.എമ്മിന്റെ ഭാവി പരിപാടികളെ തീര്‍ച്ചയായും സ്വാധീനിക്കും എന്നു കരുതാം. യുവജനങ്ങള്‍ക്ക് പ്രാതിനിധ്യം നല്‍കാനുള്ള തീരുമനവുമായി മുന്നോട്ട് പോകാന്‍ സി.പി.എം തയ്യാറായാല്‍ അത് മറ്റു പാര്‍ട്ടികളേയും സ്വാധീനിക്കും എന്ന കാര്യത്തില്‍ സംശയമില്ല.

വായനക്കാരുടെ അഭിപ്രായം തേടുന്നു…

കേരളത്തിലെ വോട്ടെണ്ണല്‍ അവസാനിപ്പിച്ചപ്പോള്‍ യു.ഡി.എഫ് പതിനാറു സീറ്റുമായി വന്‍ മുന്നേറ്റമാണ് നടത്തിയിരിക്കുന്നത്.  കഴിഞ്ഞ തവണ 19 സീറ്റുകളില്‍ വിജയിച്ച എല്‍.ഡി.എഫ് ഇത്തവണ 4 സീറ്റില്‍ മാത്രമാണ് വിജയിക്കാനായത്. ഭാരതത്തിനെ നയിക്കുന്നതാര് എന്ന ചോദ്യത്തിന് ഏതാണ്ട് ഉത്തരം ലഭിച്ചു കഴിഞ്ഞു. 250 ലധികം സീറ്റുകളില്‍ യു.പി.എ മുന്നിട്ട് നില്‍ക്കുകയാണ്. കേരളം യു.പി.എക്ക് നല്‍കിയ സംഭാവന ഒട്ടും ചെറുതല്ല. കേരളത്തില്‍ മികവാര്‍ന്ന വിജയം ലഭിച്ചത് വയനാട് മണ്ഡലത്തിലാണ് ഒന്നരലക്ഷത്തിലധികം വോട്ടിനാണ് അവിടെ എം.ഐ ഷാനവാസ് വിജയിച്ചത്.  കോഴിക്കോടും പാലക്കാടുമാണ് ശക്തമായ മത്സരം നടന്ന രണ്ട് മണ്ഡലങ്ങള്‍.

കേരളത്തില്‍ എറണാകുളം ഒഴിച്ചുള്ള എല്ലാ മണ്ഡലങ്ങളിലും തിരഞ്ഞെടുപ്പ് ചിത്രം ഏതാണ്ട് വ്യക്തമായിരിക്കുന്നു. നാലിടത്ത് എല്‍.ഡി.എഫും അത്ഭുതകരമായി തിരിച്ചുവന്ന യു.ഡി.എഫ് 15 ഇടത്താണ് നില സുരക്ഷിതമാക്കിയിരിക്കുന്നത്.

ദേശീയ തലത്തിലെ വിവരങ്ങള്‍ അനുസരിച്ച്

യു.പി.എ 197 സീറ്റുകളിലും

എന്‍.ഡി.എ 117

മൂന്നാം മുന്നണി 40

മറ്റുള്ളവര്‍ 48

എന്നിങ്ങനെയാണ് കക്ഷിനില

വയനാട്, മലപ്പുറം എന്നിവിടങ്ങളില്‍ യു.ഡി.എഫ് സീറ്റ് ഉറപ്പാക്കി. മലപ്പുറത്ത് പ്രവര്‍ത്തകര്‍ വിജയം ആഘോഷിച്ചു തുടങ്ങിയിരിക്കുന്നു. വയനാട്  എ.ഐ ഷാനവാസ് 50000 പരം വോട്ടുകള്‍ക്ക് മുന്നിട്ട് നില്‍ക്കുകയാണ്. അതേ സമയം മലപ്പുറത്ത് ഇ.അഹമ്മദ് 80000 പരം വോട്ടുകള്‍ക്ക് മുന്നിട്ട് നില്‍ക്കുകയാണ്.

കണ്ണൂരില്‍ കെ.സുധാകരന്‍ വിജയിച്ചതായി സൂചന. 70000പരം വോട്ടുകള്‍ക്കാണ് കെ.സുധാകരന്‍ വിജയിച്ചിരിക്കുന്നത്. സി.പി.എമ്മിലെ കെ.കെ. രാഗേഷ് ആണ് ഇവിടെ പരാജയപ്പെട്ടത്. സി.പി.എമ്മിന്റെ കോട്ടയില്‍ നേടിയ അട്ടിമറവിജയം കോണ്‍ഗ്രസ്സ് ആഘോഷിച്ചു തുടങ്ങിയിരിക്കുന്നു.

കേരളത്തില്‍ ആദ്യഫലങ്ങള്‍ അനുസരിച്ച് യു.ഡി.എഫ് മുന്നില്‍ നില്‍ക്കുകയാണ്.  നാല് സീറ്റുകളില്‍ മാത്രമാണ് എല്‍.ഡി.എഫ് ന് മുന്‍തൂക്കമുള്ളത്. ആലത്തുര്‍, ആറ്റിങ്ങല്‍, എറണാകുളം, കാസര്‍കോഡ് എന്നിവ ഒഴിച്ച് ബാക്കി എല്ലാ സീറ്റുകളിലും യു.ഡി.എഫ് മുന്നേറുകയാണ്. മലപ്പുറത്ത് വിജയം ഏതാണ്ട് ഉറപ്പാക്കിയ മട്ടാണ് യു.ഡി.എഫ്

ലാവ്ലിന്‍ പ്രശ്നത്തില്‍ സി.പി.എം അംഗീകരിച്ച അഡ്വക്കേറ്റ് ജനറലിന്റെ അഭിപ്രായത്തെ വി.എസ് വകവയ്ക്കുന്നില്ലെന്നും മുഖ്യമന്ത്രി രാജി വയ്ക്കണമെന്നും സി.പി.എം സെക്രട്ടറിയേറ്റ് യോഗത്തില്‍ ആവശ്യമുയര്‍ന്നു എന്നാണ് വാര്‍ത്തകള്‍

നിങ്ങളുടെ അഭിപ്രായമെന്ത്?

1. വി.എസ് രാജിവയ്ക്കണമെന്ന ആവശ്യം ശരിയാണോ?

2. മാധ്യമസൃഷ്ടിയാണ് ഈ വാര്‍ത്ത എന്നതില്‍ എത്രത്തോളം സത്യമുണ്ട്?

നിങ്ങളുടെ അഭിപ്രായങ്ങള്‍ കമന്റുകളായി രേഖപ്പെടുത്തുക..